top of page

الخسوف القمري ١١/٨ بوابة طاقية جديدة لاصلاح حالنا و أحوالنا


الوضع الفلكى قد يكون مقلق أكثر من الوضع علي الأرض “ اذا جاز القول “ ولكنه باذن الله رحيم

الخسوف القمرى يوم ٨ نوفمبر في برج الثور هو خسوف حاد جدا وليس مثل الكسوف الشمسى يوم ٢٥ نوفمبر وليس كسابقه في مايو الماضى.


سيكون هذا الخسوف كلي للقمر سيكون مرئيًا في مناطق مثل شمال وشرق أوروبا وآسيا وأمريكا الشمالية ومعظم أمريكا الجنوبية وأستراليا والقارة القطبية الجنوبية وفي بعض مناطق المحيط الهادئ والمحيط الأطلسي والهندي والقطب الشمالي. هو خسوف كلي و يطلق عليه دموي وهو أخر خسوف كلي لمدة ٣ سنوات والقادم سيكون في مارس ٢٠٢٥. في بعض المعتقدات هو نذير غير جيد وخصوصا لدى اليهود.


و قبل بدء الشرح الفلكي أطمئن الناس اللي بتخاف و قلقانة ما تقلقش مفيش حاجة عنيفة ممكن تحصل ( المريخ المحارب متراجع )

و اطمئن اللي عايز يصلح أوضاعه ان دة اكتر وقت ممكن يحصل فيه تفاهمات لو الاطراف عاقلة فعلا و النية خالصة (اورانوس الثوري في زاوية تربيع مع زحل فالتغيير اساسي)

و اطمئن اللي قلقان بردوا ولو غلط انه يقدر يصلح غلطته والوقت ما اتأخرش لان محاور العقد القمرية ستفرض تغيير لا محالة ولكنه تغيير هاديء مش مجنون ( اورانوس في زاوية التربيع مع زحل مقيد شوية لكن لا تأمن لان القمر مقابل الشمس في محاور الخسوف والكسوف)


باختصار ممكن جدا الاوضاع كلها تتصلح لو النوايا صلحت

والحقيقة دة الوضع دايما لكن فيه اوقات بتفرض نفسها اننا نفتكر دة


يعني ايه الكلام دة هنفهم مع بعض بس خلي عندكم صبر لو عايزين تفهموا الموضوع بتفاصيله لو مش عايزين خلاص نقف عند هنا و تمام.

اللي هايكمل معايا يالا بينا لشرح الموقف من بدايته و من كل جوانبه.


القمر المكتمل:

=============

أي قمر عند اكتماله يكون واقفا وراء الأرض أثناء دورانه دورة كاملة حولها حيث أن دورة القمر حول الأرض تأخذ ٢٩ يوما تبدأ بكونه قمر جديد في اليوم الأول و يكون عندها في المنتصف بين الشمس و بين الأرض.

ففي القمر الجديد يكون المشهد أن القمر والشمس مجتمعان في جهه واحدة من الأرض ثم يكمل القمر دورته حتي يصل لليوم ال ١٤ أي منتصف المدار فيكون وراء الأرض بعد الدوران نصف دورة

فيظهر القمر المكتمل الكائن وراء الأرض و الشمس تكون في المقابل الأخر بحيث تكون الأرض في المنتصف بين القمر والشمس.

أي بطبيعه القمر المكتمل هو تقابل الشمس و القمر وهو وضع حساس علي المستوى الشخصي والعام.

القمر المكتمل يطول شرح طاقته. لكن لو تخيلنا ان الشمس هي عقلنا الواعي و ارادتنا فالقمر هو عقلنا الباطن و مشاعرنا والاتنين في حالة تقابل مش تناغم فلو فيه اي حاجة جوانا مش مريحة او تعبانا او بناقض نفسنا فيها سيظهر الصراع النفسي و نشعر بالتعب أو التوتر واحنا مش فاهمين ليه

ولو الدنيا مظبوطة وشغالين علي نفسنا و فاهمينها كويس فايام القمر المكتمل هاتكون اخر جمال

الخسوف والكسوف:

=================

دايما لما يحصل كسوف شمسى لازم في نفس الشهر يحصل خسوف قمرى.

القمر بقي الشهر دة من اوله يوم ٢٥ اكتوبر كان فيه كسوف شمسي يوم مولده و هايبقي خسوف قمر يوم اكتماله ٨ نوفمبر ليه؟

لان القمر الجديد و القمر المكتمل الاتنين بيبقوا علي محور العقد القمرية اللي هي منذ يناير اللي فات في محور الثور والعقرب المتقابلين علي بعد ١٨٠ درجة ( يعني نص دايرة ) في دائرة الابراج

ودة إيه دة كمان؟ هنقول بس كملوا.

العقد القمرية

============

هي نقط التقاء مدار القمر حول الأرض ومدار الأرض حول الشمس

المسار او الطريق او المدار اللي هو ( التراك) اللي بيلفوا فيه مش متوازيين تماما فيه انحراف ٥ درجات و ٦ من عشرة بين الاتنين. ودة اللي بيسمح اصلا ان الشمس ترمي ضوءها علي القمر في القمر الكامل.


لكن عند التقاء المدارين بيخلق تعامد دقيق بين الأرض والشمس والقمر فيحدث الكسوف الشمسى والخسوف القمرى في البرج الموجود به العقد القمرية وهما العقرب والثور حاليا.

يعني بيتسنتروا (جاية من center) أوكلهم بيصطفوا علي خط واحد.


الكسوف والخسوف منذ القدم وفي جميع المعتقدات الحضارية والعقائدية بيبقي نقطة تحول و انتهاء شيء وبداية شيء اخر ويشير أيضا إلي بداية أحداث غير متوقعة. لذلك له طقوسه و أدعيته في جميع الأديان. سنجد بعض الطقوس والأدعية في الإسلام والمسيحية موجوده في أخر المقال.


الخلاصة وقت حساس اساسا

نضيف بقي ان الثور الذي سيحدث عنده الخسوف كعقدة قمرية شمالية مسئول عن النظام المالي كله وكل احتياجتنا اليومية، الفلوس - الاكل - الشعور بالامان - القيم - العلاقة الحميمية - كل الحواس


وبيحكم الثور كوكب الزهرة اللي هايبقي مقترن مع الشمس ودي حاجة كويسة ولكنه مع العقرب لان الشمس حاليا في برج العقرب و الزهرة هايبقي معاه ( دة معني كلمة مقترن) العقرب بالنسبة للزهرة بتعتبر نقطة انخفاض يعني الزهرة Venus مش بيحب يبقي في العقرب الوضع بيبقي intense قوي عليه وبتزيد الشكوك و الغيرة في الفترة دي بشكل ملحوظ


والعقرب مسئول عن كل احتياجتنا بس اللي بنشاركها مع حد يعني فلوس الغير سواء الزوج او الاباء او الأرث او فلوسنا اللي في البنك او القروض - الضرائب - العلاقات الحميمية ايضا ولكن يمكن السرية اكثر من المعلنة

لان الحاكم الاول للعقرب هو المريخ ( المحارب) المتراجع حاليا و بالتالي الاموال المشتركة و كل ما سبق متراجع شوية

الحاكم التاني للعقرب هو كوكب بلوتو ( انا مسمياه سياف الفلك الملثم) بيقلب التربيزة صحيح مش فجأة بس بيقعد يزووم بصوت عميق مش عالي قبل ما يقلبها فنقدر نقول انه بيحذر مش زي اورانوس مجنون وسريع

والحاكم دة بيخلي العقرب برج مسئول عن الموت او ( الموت والحياة ) يعني موت شيء و احياء اخر

مسئول عن كشف المستور و عن كل ما هو مخفي عن السطح

مسئول عن التحول بمعني الكلمة.


يعني المحور نفسه اللي عليه العقد القمرية محور مقلق و مرتبط بحياتنا اليومية واحتياجاتنا و حساس وخطر


زوايا التربيع

===========

ثالثا الثور موجود فيه كوكب أورانوس

الكوكب الثوري المنفرد المجنون صاحب التجديد والاختراعات اللي لو شبهناه او رسمناه هنرسم برق و رعد في السما هو فعلا مسئول كمان عن الكهربا و الالكترونيات. الكوكب دة بيعمل تغيرات سريعة و صوته عالي بدليل اللي حاصل في الاسواق المالية العالمية والعملات منذ لحظة دخوله برج الثور في ٢٠١٩

و هنلاقي الاجهزة كلها بتلعب معانا في الفترة دي كمان.


المشكلة ان مش أورانوس بس في الثور دة زي ما فهمنا هايبقي معاه القمر نفسه المخسوف

(الشمس عند العقرب والقمر الناحية التانية من الارض يعني عند الثور علي بعد ١٨٠ درجة)

هو كمان باصص علي كوكب زحل اللي موجود في برج الدلو وواقفين لبعض في زاوية تحدي ( اسمها تربيع ) يعني فيه صراع بين الاتنين

وزحل ( المعلم ) بيمثل كل ما هو صارم ناظر المدرسة - الاب الشديد - الحكومات - القوي النظامية - المنظمات والهيئات - التاريخ و السجلات والاداريات - الوقت و الجداول

كل ما هو سلطوي و حاكم و منظم


قصاد اورانوس المجنون المبتكر الثوري المستفز من القمر المخسوف بيخلق حالة قلق لوحده


نضيف ان الشمس اللي موجوده في العقرب هي كمان عاملة زاوية تحدي تربيع مع زحل في الدلو


فالشمس ومعاها فينوس و عطارد والعقدة القمرية الجنوبية في العقرب في زاوية


و زحل في الدلو في زاوية


والقمر ومعاه أورانوس والعقدة القمرية الشمالية في زاوية

و باصين علي بعض في وضع تحدي


الزاوية الرابعة بالمناسبة هي عند برج الأسد و هي فاضية ودة ميزة وعيب لان لو كان فيه كوكب كان ممكن يعمل توازن

الوضع كله علي مستوي الارض مش بيت الشمس. ( الشمس تحكم الاسد )

يعني ما فيش ملك جديد بس زاوية تربيع هي زاوية كش ملك

فيه فرصة حركة تانية في الشطرنج

لو حبينا نشرح الفكرة.

تراجع الكوكب

=========

نضيف للوضع الفلكي أن اي كوكب متراجع بيبقي مش بيقوم بدوره بشكل كامل


علشان كدة قولت الحمد لله ان كوكب المريخ ( المحارب ) اللي مسئول عن الحروب و الغضب و التهور و الحوادث و الحرائق و الانفعال الحاد متراجع

لكن كمان كوكب المشتري ( كوكب الحظ والبركات ) متراجع في الحوت هو و نيبتون ( كوكب الروحانيات والابداع والوهم) متراجع ايضا في برج الحوت

يعني الاتنين عايمين في مية البطيخ

فلا الحظ شغال بفاعلية ولا الوهم ينفع يتباع في ازايز فالوضع حاد واضح مافيهوش لوع ولا تغفيل و ستر ربنا وحده ان المريخ متراجع فمفيش عنف و لا تناحر لكن فيه مواجهه.


كل واحد نيته الخير للجميع ربنا هايكرمه واللي نيته مصلحته الشخصية فدة مش وقتها

نصلح نيتنا ينصلح حالنا و تتصلح احوالنا


دة الوضع العام اما الوضع الخاص فبيختلف من شخص لأخر حسب خريطته الفلكية

لاحتساب خريطتك الفلكية سجل بياناتك


دة الموقف الفلكي اما الوضع الرقمي من وجه نظر علم الارقام فيوم

٨ نوفمبر دة يوم نصر وقوة ولكنه رقم الكارما


نوفمبر كمان شهر رقم ٨ السنة دي


نوفمبر شهر ١١ من العام يعني ١+١ = ٢

و العام ٢٠٢٢ = ٦ يعني ٢+٢+٠+٢ = ٦


نجمع الشهر علي العام يبقي ٨

واليوم ٨

يعني نعتبر ان يوم ٨ نوفمبر دة رقمه

٨ /٨

بوابه طاقية جديدة ياريت نحسن استخدامها في الخير و السلام و المحبة


والله وحده اعلم

 

دعاء كسوف الشمس وخسوف القمر

كي يزيل الله أي بلاء لا قدر الله


من الكتاب المقدس: " تتحول الشمس الي ظلمة والقمر دم، قبل أن يجيء يوم الرب العظيم الشهير"

: " ونظرت لما فتح الختم السادس، وإذا زلزلة عظيمة حدثت، والشمس صارت سوداء كمسح من شعر، والقمر صار كالدم."

ودعاء سيدنا عيسي عليه السلام اثناء الخسوف: "رب كل شيء خادمك رب فاحفظني وانصرني وارحمني" ويمكن ترديده بصيغة الجمع أيضا.

وفي الاسلام "عن أبي بكرة قال: كنا عند رسول الله ﷺ، فانكسفت الشمس، فقام النبي ﷺ يجر رداءه، حتى دخل المسجد، فدخلنا فصلى بنا ركعتين، حتى انجلت الشمس، فقال ﷺ : "إن الشمس والقمر لا ينكسفان لموت أحد، فإذا رأيتموهما فصلوا وادعوا حتى يُكشف ما بكم".


دعاء كسوف الشمس وخسوف القمر:

"الحمد لله كما ينبغي لجلال وجهك ولعظيم سلطانك، سبحانهُ ما أعظم شأنه". ... "سبحانك يا الله، غفرانك يا الله، سبحان الذي خلق الليل والنهار والشمس والقمر، كلُ ُ في فلكِ يسبحون، يا من يسبح له كل شيء من مخلوقاتهِ، سبحانك ما عبدناك حق عبادتك، سبحانك ما شكرناك حق شُكرك"

اللهم لك الحمد حمدا دائما طاهرا طيبا مباركا فيه ملء السموات والأرض وملء ما شئت من شيء بعد.

‎"اللهم إنا نستغفرك ونتوب إليك، توبة عبد ظالم لنفسه لا يملك لنفسه ضراً ولا نفعا، ولا موتًا ولا حياةً ولا نشورا"

‎"اللهم اهدنا فيمن هديت،وعافنا فيمن عافيت، وتولنا فيمن توليت، وبارك لنا فيما أعطيت، وقنا واصرف عنا شر ما قضيت، نستغفرك ونتوب إليك، فلولا أنت ما تبنا إليك"

‎"اللهم يا واصل المنقطعين أوصلنا إليك. اللهم هب لنا عملاً صالحاً يقربنا إليك"

- صلاة الخسوف سنة مؤكدة ممكن تصليها ركعتين سواء في جماعة أو لوحدك.. وكل ركعة فيها قيامان و قراءتان و ركوعان و سجدتان..

- بتبدأ الصلاة بالتكبير ثم قراءة دعاء الاستفتاح..

- وبعدها تقرأ الفاتحة وسورة طويلة أو قصيرة..

- ثم تركع ركوعًا طويلًا.. ثم ترتفع من الركوع وتقول: "سمع الله لمن حمده، ربنا ولك الحمد"

- بعد الرفع من الركوع، تقرأ مرة أخرى الفاتحة وسورة طويلة أو قصيرة..

- ثم تركع ركوعً طويلًا مرة ثانية.. ثم ترتفع من الركوع وتقول: "سمع الله لمن حمده، ربنا ولك الحمد"

- ثم بعد ذلك تسجد وتطل في السجود.. ثم ترتفع من السجود.. وتسجد مرة أخرى سجودًا طويلًا..

- بعد ذلك تقوم للركعة الثانية وتقرأ الفاتحة وسورة طويلة أو قصيرة، وتفعل كما فعلت في الركعة الأولى..

- ثم تجلس بعد السجدتين للتشهد.. ثم تسلم


صلاة خسوف القمر جهرية لأنها صلاة ليلية، وصلاة كسوف الشمس سرّية لأنها صلاة نهارية، ووقتها من ابتداء الكسوف إلى ذهابه ولا تصلى حتى يرى الناس الكسوف لقوله - صَلَّى اللَّهُ عَلَيْهِ وَسَلَّمَ -: (إذا رأيتم شيئاً من ذلك فصلوا حتى ينجلي). رواه مسلم.


المصدر: دار الإفتاء المصرية




إيه الأعمال اللي ممكن أعملها وقت خسوف القمر؟

التسبيح الصدقات - الدعاء - الاستغفار

- الصلاة على النبي


150 views0 comments

Comments


Our YouTube Channel